Raah-e-Haq राहे-हक़ راہ حق

Mere Maula !
Mujhe Teri Dozakh Ka Khauf Nahi
Aur Na Hi
Teri Jannat Ki Koi Khwahish Hai
Main
Sirf Teri Ibaadat Hi Nahi Karti
Tujhse Muhabbat Bhi Karti Hoon
Mere Liye Too Hi Kaafi Hai
Allah Too Hi Too...
-Firdaus Khan

Mere Maula !
Pahle Zuban par
Kalme Ki Tarah
Uska Naam Rahta Tha...
Lekin
Ab Shaam-O-Sahar Zuban Par
Sirf  Aur Sirf
Kalma Hi Rahta Hai...
Wo Ishq-e-Haqeeqee Tha
Aur
Ye Ishq-e-Mijaazi Hai...
-Firdaus Khan

Sarkaar-e-Do Aalam Hazrat Muhammad Sallallaahu Alaihi Wasallam Ko Samarpit Firdaus Khan Ka Kalaam

Mere Maula !
Rahmaton Ki Baarish Kar
Hamare Aaqa
Hazrat Muhammad Sallallaahu Alaihi Wasallam Par
Jab Tak
Kaaynaat Raushan Rahe
Sooraj Ugata Rahe
Din Chadhta Rahe
Shaam dhalti Rahe
Aur Raat Jati-Jaati Rahe
Mere Maula !
Salaam Naazil Farma
Hamaare Nabi Sallallaahu Alaihi Wasallam
Aur Aale-Nabi Ki Roohon Par
Azal Se Abad Tak...
-Firdaus Khan

Mere Maula
Mera Ek Sajda
To Aisa Ho
Jo Tujhe Pasand Aa Jaaye...
-Firdaus Khan